Presidenti i FC Barcelona, Joan Laporta, ka reaguar ashpër pas eliminimit të skuadrës nga Liga e Kampionëve, duke kritikuar hapur gjyqtarët dhe institucionet e futbollit evropian.

Laporta, i cili ishte i pranishëm në turneun e tenisit “Trofeo Conde de Godó”, nuk i kurseu fjalët për arbitrimin, duke e cilësuar atë si “turp, të papranueshëm dhe të patolerueshëm”.

Ai reagoi gjithashtu ndaj akuzave se gjyqtarët favorizojnë Barcelonën:
“Të thuash se gjyqtarët e favorizojnë Barçën është turp. Mjafton të shohësh këtë eliminatore të Ligës së Kampionëve. Është një turp dhe askush nuk e beson këtë”, deklaroi ai.

Numri një i klubit katalanas kritikoi edhe UEFA, duke shprehur pakënaqësinë për mënyrën se si është trajtuar ankesa e klubit.

“Nuk është e pranueshme që paraqet një ankesë dhe përgjigjja është se nuk është e vlefshme. Barcelona po kërkon sqarime pse ankesa nuk u pranua. Më është thënë se do të dorëzohet një tjetër. Kjo është e papranueshme dhe e patolerueshme”, përfundoi Laporta.

Barcelona u eliminua në çerekfinale mbrëmë pavarësisht fitores 1-2 në “Metropolitano”, mirëpo Atletico Madrid pati avantazhin nga ndeshja e parë (0:2)./Arbresh.info